Hundahreysti

Nordic ferksfóður

Um fóðrið

  • Um Fóðrið

  • Innihaldslýsing

  • Fóðurgjafir

Fiðla vizla

Nordic ferskfóður er algjör nýjung á íslenskum markaði. Þetta er ekki aðeins nýtt vörumerki heldur ný gerð af fóðri sem hefur ekki verið selt hér á landi áður. Fyrirmyndin er sænskt fóður sem kallast Nordic färskfoder og hefur verið selt í Svíþjóð til fjölda ára. Öll framleiðsla er þó íslensk. Fyrirtækið Hundahreysti ehf., sem er 100% í eigu Íslendinga, er með einkaleyfi á framleiðslu og sölu á þessu fóðri frá Nordic í Svíþjóð.

Í fóðrið er notað hrátt íslenskt kindakjöt, nautavambir og nautablóð. Engar aukaafurðir af dýrum eru notaðar í fóðrið aðrar en nautavambir. Þar að auki er svo bætt í kartöflutrefjum, hveitiklíði, kalki, steinefnum og vítamínum. Kjötið í fóðrinu er alveg hrátt og þess vegna kallast það ferskfóður. Það selst frosið og geymist í u.þ.b. ár í frysti. Nordic ferskfóður er heilfóður fyrir hunda og ekki er þörf að gefa hundinum neina viðbót eða blanda við annað fóður.

Margir kostir fylgja því að gefa hundum ferskfóður frekar en þurrfóður. Einn kosturinn er sá að engin óþarfa aukaefni eru í fóðrinu. Einu aukaefnin eru viðbætt steinefni og vítamín til að tryggja að hundurinn fái nákvæmlega það sem hann þarf. Engin bragðefni, litarefni, rotvarnarefni, bindiefni eða önnur óþarfa efni eru í fóðrinu. Annar kostur er uppistaðan í fóðrinu sem er hreint, hrátt kindakjöt og nautavambir og þar af leiðandi mjög náttúrulegur próteingjafi fyrir hundinn.

Meðal viðskiptavina Nordic eru dýralæknar sem mæla með fóðrinu fyrir hunda með ofnæmi eða viðkvæma maga, veiðimenn sem segja hundana sína hafa aukna orku og úthald, sýningarfólk sem vill sjá feld hundanna sinna glansa að ógleymdum óbreyttum hundaeigendum sem hafa tekið eftir því að hundarnir þeirra hafa meiri orku, matarlyst og líður almennt vel.

Hrátt kindakjöt, kindafita, kartöflutrefjar, hveitiklíð, nautablóð, kalk, steinefni og vítamín

Eftirfarandi vítamínum og steinefnum er bætt í hvert kg af Nordic ferskfóðri:

A 2400 IE, D 520IE, E 12,7IE, B1 0,5mg, B2 0,2mg, B3 2,4mg, B6 0,8mg, B12 0,6mg, C 8,0mg, K3 0,8mg, Níasin 6,0mg, Kóbalamín (B12) 32,0mg, Fólasín 0,16mg, Biotin 0,06mg, Natríum 0,40mg, Magnesíum 0,14mg, Kopar 1,40mg, Kóbalt 0,08mg, Mangan 8,00mg, Sínk 10,0mg, Selen 0,06mg, Joð 0,30mg

Næringargildi (þurrfóðurgildi innan sviga)

  • Prótein 9,30% (20,80%)
  • Meltanlegt prótein 8,80% (19,70%)
  • Fita 8,60% (18,40%)
  • NFE 16,86% (40,85%) **
  • Trefjar 1,80% (3,05%)
  • Steinefni 2,24% (4,29%)
  • Kalk 0,64% (1,44%)
  • Fosfór 0,56% (1,25%)
  • Þurrefni 40,00% (90,00%)

** NFE = Nitrogen Free Extracts

 

Ríma og Fiðla vizlur hlaupa

Eftirfarandi tafla gildir fyrir Nordic ferskfóður. Þetta eru viðmiðunartölur (+/- 25%) fyrir heilbrigðan, fullorðinn hund sem fær meðal mikla hreyfingu. Mælt er með að fullorðnir hundar fái mat 1-2 á dag en hvolpar 3-4 sinnum. Hundar eiga alltaf að hafa aðgang að hreinu drykkjarvatni.

Þyngd hunds í kg (fullvaxta)

Grömm/dag

1,0 – 5,0

40 – 200

5,0 – 10,0

200 – 340

10,0 – 20,0

340 – 550

20,0 – 30,0

550 – 700

30,0 – 40,0

700 – 900

40,0 – 50,0

900 – 1100

50,0 – 60,0

1100 – 1200

Geymsluþol

  • Í frysti: U.þ.b. 1 ár frá framleiðsludegi
  • Í kæli: 3-4 dagar frá opnun

Fóðrið er ekki ætlað til manneldis. Framleitt úr sláturafurðum úr þriðja áhættuflokki.

Fiðla vizla

„Hann er með ofnæmi og hefur fengið reglulega sýkingar í augun og þófana og á ýmsum stöðum en eftir að dýralæknir mælti með fóðrinu prufuðum við og hann er nú einkennalaus af ofnæmi, með góðan feld og almennt mjög heilbrigður. Hann er líka alltaf jafn spenntur að fá sér að borða og leifir aldrei mat eins og hann gerði“.

Jón Grétar og Nelson

Algengar Spurningar

Er bara hægt að versla fóðrið á höfuðborgarsvæðinu?

Eins og stendur er heimsendingarþjónusta á höfuðborgarsvæðinu og Reykjanesi ásamt verslunum á höfuðborgarsvæðinu. Einnig erum við með söluaðila víða um land og sendum vörur með Landflutningum.

Er ekki hættulegt að gefa hundum hrátt kjöt?

Sumir hafa haldið því fram að hundar geta orðið dýrbítar af því að fá hrátt kjöt en það er ekkert sem styður þá kenningu í raunveruleikanum.

Er hægt að nálgast prufu af Nordic ferskfóðri?

Já, verslanir á höfuðborgarsvæðinu selja staka 0,5kg poka.

Er Nordic hundamatur heilfóður eða er betra að blanda honum við þurrmatinn?

Nordic hundamatur er viðurkennt heilfóður og inniheldur allt það sem hundar þurfa á að halda til að lifa heilbrigðu lífi. Fóðrið er fyrir hvolpa, fullorðna hunda, hvolpafullar tíkur og hunda í vinnu. Ekki þarf að gefa þeim annað með.

Fóðrið dekkist strax á fyrsta sólarhring, er það þá ónýtt?

Nei, það er í fínu lagi með fóðrið og geymist vel í tvo daga til viðbótar. Þetta gerist þegar súrefni kemst í tæri við kjötið og er alveg skaðlaust. Við gætum komið í veg fyrir þetta með aukaefnum (litarefnum, bindiefnum eða rotvarnarefnum) en við viljum engin aukaefni í okkar fóður.

Hve lengi geymist fóðrið?

Fóðrið geymist í eitt ár í frysti frá framleiðsludegi. Það geymist í 3-4 daga í ísskáp.

Hve mikil reynsla er af þessu fóðri erlendis?

Nordic hundafóður hefur verið framleitt frá 1980 í Svíþjóð.

Hvernig er best að geyma fóðrið?

Fóðrið geymist í u.þ.b. ár í frysti frá framleiðsludegi en 3-4 daga í ísskáp. Gott er að geyma þiðnað fóður í lokuðum plastdalli í ísskápnum t.d. gömlu ísboxi.

Hvernig er fóðrið þítt?

Fóðrið selst innpakkað í vacumpokum og má þíða fóðrið í plastinu þar sem notast er við sama plast og er viðurkennt fyrir matvæli til manneldis. Gott er að þíða fóðrið í vatnsbaði (í plastinu) eða jafnvel örbylgjuofni (ekki í plastinu) til að flýta fyrir.

Þarf ekki að gefa hundum hrá bein með Nordic ferskfóðri?

Allir hundar þurfa bein til að naga .En þar sem Nordic ferskfóður er kalkbætt þurfa hundarnir ekkert endilega hrá bein til að bryðja heldur bara bein til að uppfylla nagþörfina og hreinsa tennurnar.

„Ég vel Nordic ferskfóður frá Hundahreysti því það er best. Fyrir feldinn, fyrir meltinguna og fyrir mun minna hárlos. Lang einfaldasta leiðin að fita hunda í veiðum, ég bara bæti í skamtinn og hún borðar alltaf allt“.

Vilhjálmur Kári Heiðdal og Píla

Panta / Söluaðilar

  • Pöntun og greiðsla

  • Söluaðilar

  • Afhending

dog-back

Vörur eru pantaðar gegnum vefverslun Hundahreystis.

  1. Fyrst ber að stofna notendanafn
  2. Svo er vara pöntuð og gengið er frá pöntun (án greiðslu)
  3. Reikningur er sendur á tölvupóstfang viðkomandi
  4. Þá er hægt að millifæra á reikning Hundahreystis 0516-26-13141 kennitala 471108-1030 eða greiða við afhendingu vörunnar með reiðufé, debetkorti eða kreditkorti

 

Frí heimsending á höfuðborgarsvæðinu á mánudögum og miðvikudögum milli klukkan 17-22.

Því miður verða ekki útkeyrslur á Reykjanesi framvegis. Hægt er að panta hjá okkur og fá sent með flutningabíl eða sækja til okkar í Bæjarhraun 24 220. Hafnarfirði.

ISCh Drauma Abraham elskar hráu beinin frá Hundahreysti.

Um fyrirtækið

  • Um fyrirtækið

  • Áframhaldið

Fyrirtækið Hundahreysti var stofnað árið 2008 af Kristínu Þorvaldsdóttur og Daníel Elíassyni eftir að við höfðum verið með hugmyndina “í maganum” í tæplega tvö ár. Við komumst í kynni við ferskfóðrið þegar við bjuggum í Svíþjóð og fannst tilvalið að hægt væri að kaupa tilbúið heilfóður handa hundum sem inniheldur hrátt kjöt.

Þegar heim var komið sáum við að hvergi var hægt að kaupa tilbúið ferskfóður. Við höfðum samband við Nordic hundfoder í Svíþjóð og fengum að heimsækja verksmiðju þeirra. Fljótlega var ákveðið að fara í framleiðslu á fóðri þeirra hér á landi með franchise-samning, enda er bannað að flytja það til landsins. Nordic í Svíþjóð hefur framleitt ferskfóður fyrir hunda síðan 1980 og mjög góð reynsla er komin á notkun fóðursins þar.

Auk kaups á uppskriftinni sjálfri fylgir með í samningnum aðgangur að allri þekkingu Nordic í Svíþjóð um fóðrið og næringarfræði hunda. Þar af leiðandi er það ekki bara varan sjálf, heldur líka þekkingin, sem flyst hingað til lands og erum við í mjög nánum samskiptum við Nordic í Svíþjóð.

Margt breyttist þegar kreppan skall á en í stað þess að láta deigan síga ákváðum við að halda ótrauð áfram svo íslenskir hundar og eigendur þeirra þyrftu ekki að bíða lengur eftir að geta keypt tilbúið íslenskt ferskfóður.

Í stað þess að fara út í dýrar fjárfestingar höfðum við samband við Matís ohf. sem var þá nýbúið að opna Matarsmiðju fyrir frumkvöðla sem vilja hefja starfsemi og fá ráðgjöf í leiðinni. Gott samstarf ríkir milli okkar, birgjanna og Matís. Öll hráefni eru send beint á Höfn þar sem við förum reglulega til að framleiða fóðrið.

Starfsmenn Matís hafa verið okkur innan handar og veitt okkur ráðgjöf í ýmsum málum er varða framleiðslu, tæknimál og fleira og fyrir það erum við þeim afar þakklát.

Við erum afar þakklát Matís fyrir veitta aðstoð. Við erum nú komin með eigið húsnæði að Smiðjuvegi í Kópavogi. Þar hefur áður verið starfræk kjötvinnsla og er aðbúnaður þar allur eins og best verður á kosið.

Starfsmenn Hundahreystis eru nú 3 í 2,5 stöðugildum og við höldum áfram að stækka og dafna þar sem hundarnir sem eru á fóðrinu frá okkur halda áfram að þrífast.

Reynt er eftir bestu getu að hafa allt hráefni, sem notað er í fóðrið, íslenskt og stenst það strangasta gæðaeftirlit. Aðeins eru notaðar viðurkenndar pakkningar fyrir matvæli sem standast einnig strangasta gæðaeftirlit.

Hundahreysti er skráð hjá Matvælastofnun og er Nordic ferskfóður skráð þar sem heilfóður fyrir hunda.

Fréttir

  • Nýlegar fréttir

  • Eldri fréttir

Tilkynning
23/09/2015

Tilkynning

Við erum komin með hina fullkomnu jólagjöf fyrir hunda í vefverslun okkar á frábæru verði. Pantanir yfir 5.000,- eru sendar frítt heim á höfuðborgarsvæðið, undir 5.000,- kosta 400.- og verið í sambandi við okkur varðandi sendingar út á land.

http://hundahreysti.notando.is/cate…/products/category_id/33

Fóður
01/06/2015

Fóður

Því miður er staðan sú vegna verkfalls BHM að sumar vörur eru búnar hjá okkur. Fóður með nautakjöti, nautabein og nautastangir er allt uppurið hjá okkur. Við eigum nóg af kindabeinum (sem eru frekar stökk og ekki fyrir hunda sem sleppa því að bryðja áður en þau kyngja) og enn sem komið er er staðan ágæt af fóðri með kindakjöti en það kemur að því að það klárast líka ef verkfallið verður mjög langvinnt. Við látum vita ef það stefnir í fóðurskort. Kveðja, eigendur og starfsfólk Hundahreystis

Útkeyrslur Reykjanes 2015
11/03/2015

Útkeyrslur Reykjanes 2015

Því miður verða ekki útkeyrslur á Reykjanesi framvegis. Hægt er að panta hjá okkur og fá sent með flutningabíl eða sækja til okkar í Bæjarhraun 24 220. Hafnarfirði.

Aukaútkeyrslur fyrir jólin!
18/12/2014

Aukaútkeyrslur fyrir jólin!

Við keyrum út eftirfarandi daga: 19. 21.22. 23. 29. og 30. desember. Frí heimsending, engin lágmarksupphæð! Við keyrum út fötur ÞRIÐJUDAGANA 23. og 30. desember en það verður að panta þær fyrir kl 12. MÁNUDAGANA 22. og 29. desember til að fá þær afhentar. Gleðileg jól

Starf í boði
09/12/2014

Starf í boði

Hundahreysti leitar að útkeyrsluaðila í hlutastarf. Hentar vel með skóla. Um er að ræða útkeyrslu á fóðri á höfuðborgarsvæðinu seinnipartinn annan hvern mánudag og miðvikudag og aukalega eftir þörfum. Útkeyrslan er á þungum vörum svo viðkomandi verður að vera líkamlega hraustur. Lágmarksaldur er 18 ára og að hafa haft bílpróf í 1 ár. Hentar jafnvel kvenfólki sem karlmönnum. Allar upplýsingar hjá daniel@hundahreysti.is eða hjá Daníel í síma 865-8500 milli klukkan 8-16. Æskilegt er að viðkomandi geti byrjað sem fyrst.

„Hreint fóður án aukaefna gerir gott fyrir hundana. Annar er með ofnæmi og þrífst vel á Nordic ferskfóðri og að sjálfsögðu vel ég sama góða fóður fyrir hund nr. 2 „.

Hrafnhildur og Eva með Max og Guffa

Bæjarhraun 24,
220 Hafnarfjörður.
Ísland

Leave this empty:
Senda